Hvernig nota ég Auroracoin?

Connector.
Svona byrjar þú
Hér finnur þú helstu upplýsingar sem þú þarft til að byrja á að nota Auroracoin.
Connector.
Að eignast Auroracoin
Hér finnur þú upplýsingar um helstu leiðir til að verða þér út um Auroracoin.
Connector.
Náðu þér í veski
Það næsta sem þú þarft til að koma þér af stað er að ná þér í veski. Þú getur náð í öll helstu Auroracoin veskin hér.
Connector.
Gott að vita
Hér finnur þú nytsamlegar upplýsingar sem gott er að vita áður en þú byrjar að nota Auroracoin.
Connector.
Svona tekur þú á móti Auroracoin
Helstu upplýsingar sem nýtast kaupmönnum og öllum þeim sem vilja móttaka Auroracoin.

Teymið

Við erum alþjóðlegur hópur sjálfboðaliða sem stendur á bakvið núverandi þróun og framgang Auroracoin á Íslandi

Myckel Habets

Mikael Hannes

Martin Jansen

Hagnýtar upplýsingar

Hér eru nokkrir hlekkir á hagnýtar upplýsingar fyrir þá sem vilja kynna sér betur tækni og samfélag Aurorcoin

Veskin

Hér getur þú sótt þér veski fyrir flestar gerðir stýrikerfa.

Windows v2022.06.1.0

OS X v2022.06.1.0

Linux v2022.06.1.0

Hafðu samband

Svona byrjar þú

Hvað þarf ég að gera til að nota Auroracoin?

Til að byrja með þarf að ná í veski til að halda utan um Auroracoin. Í boði er að sækja veski fyrir einkatölvur með Windows, Mac og Linux stýrikerfin. Einnig eru til veski sem hægt er að nota á snjalltækjum eins og iPhone, iPad eða Android símum og spjaldtölvum. Til daglegrar notkunar er mælt með Hive vefveskinu fyrir Apple og Android snjalltæki eða Coinomi farsímaveskinu en eins og er er það bara fyrir Android snjalltæki. Til að geyma stærri upphæðir er mælt með veskjum fyrir heimilistölvur eða pappírsveskjum. Þegar þú hefur náð þér í veski er gott að kynna sér hvernig öryggisráðstafanir veskisins eru og huga vel að varðveislu lykilorða ásamt afritun.

Móttaka Auroracoin

Til að móttaka Auroracoin þarftu fyrst að koma reikningsnúmerinu þínu til greiðanda. Í “móttöku” flipann í veskinu er annaðhvort sýnilegt reikningsnúmer eða hægt er að kalla eftir greiðslubeiðni til að sjá reikningsnúmerið. Reikningsnúmerið er runa stafa og talna, sem hægt er að afrita og senda t.d. með tölvupósti til greiðanda. Snjallsímar geta einnig komið reikningsnúmerinu til greiðanda með QR kóða. Eftir að greiðanda hefur borist reikningsnúmerið er það í hans höndum að millifæra Auroracoin. Móttakandinn fær svo staðfestingu strax og greiðandi hefur lokið greiðslu.

Millifæra Auroracoin

Til að millifæra Auroracoin þarf þér að hafa borist reikningsnúmer viðtakanda. Í veskinu þínu ferð þú í “senda” flipann og setur inn reikningsnúmer hjá þeim aðila sem þú ætlar að senda á. Ef þú notar snjallsíma berst þér reikningsnúmerið oftast sjálfkrafa með því að skanna inn QR kóða. Því næst slærð þú inn upphæð og staðfestir millifærsluna.

Að eignast Auroracoin

Það eru þrjár megin leiðir til að eignast Auroracoin.

Hægt er að kaupa Auroracoin á ISX fyrir íslenskar krónur.
Hægt er að selja hluti eða fá greitt fyrir vinnu í Auroracoin.
Hægt er að framselja reikniafl tölvunnar þinnar til að halda uppi greiðslumiðlun Auroracoin með námuvinnslu.

Gott að vita

Enginn miðstýring

Auroracoin er ekki í eigu neins ákveðins aðila. Hugsaðu um þetta eins og tölvupóst. Það geta allir notað tölvupóst en engin sérstakur aðili á tölvupóstinn eða stýrir öllum tölvupóstsamskiptum í heiminum. Allar millifærslur með Auroracoin eru óafturkræfar, þ.e. enginn, hvorki bankar né stjórnvöld, geta komið í veg fyrir að þú sendir eða fáir sent Auroracoin. Þessu aukna frelsi fylgir mikil ábyrgð, enda er ekki hægt að kvarta til þriðja aðila ef eitthvað fer úrskeiðis. Farðu því með Auroracoin eins og reiðufé og ekki láta ókunnuga geyma það fyrir þig og ekki senda ókunnugum einstaklingum peninga yfir internetið.

Tryggðu öryggi veskisins þíns

Það eru til ýmsar gerðir Auroracoin-veskja og það sem greinir þau að er hvernig einkalykillinn sem tryggir aðgang að peningunum þínum er varðveittur. Þar sem Auroracoin er í raun geymt í hinum opna og dreifða blockchain-gagnagrunni er það í raun einkalykillinn þinn sem gerir þér kleift að nota peningana þína. Ef einhver annar kemst yfir einkalykilinn þinn, getur sá hinn sami ráðstafað peningunum þínum. Sum veski geyma einkalykilinn á tölvunni þinni eða í símanum meðan önnur virka í raun meira eins og banki, sem þú þarft að treysta fyrir einkalyklinum. Ef þú velur veski þar sem þú ert ein(n) ábyrg(ur) fyrir einkalyklinum, getur heldur engin hjálpað þér ef þú tapar honum. Því getur verið gott að dreifa áhættunni með því að vera með fleiri en eitt veski og varðveita vel lykilorð eða afrit af veskjunum þínum.

Verðgildi Auroracoin

Framboð og eftirspurn ræður verðgildi Auroracoin. Þar sem endanlegt framboð Auroracoin er 21 milljón einingar, mun verðgildi myntarinnar hækka eftir því sem fleiri nota hana sem gjaldmiðil. Eins og er eru fáir Íslendingar sem nota Aurorcoin og því má búast við töluverðum sveiflum á verði milli daga, þar sem framboð og eftirspurn hafa ekki myndað jafnvægi. Eftir því sem notkun á Auroracoin eykst mun markaðurinn finna jafnvægi og sveiflur í verði jafnast út. Eftir því sem útbreiðsla Auroracoin eykst og Auroracoin-hagkerfið byrjar að velta stærri hluta þjóðarframleiðslu Íslands, þarf hver Auroracoin eining einnig að hækka í verðgildi til að geta staðið undir aukinni veltu í hagkerfinu.

Kauphallir og markaðir

Nokkrar leiðir eru til að verða sér út um Auroracoin, t.d. er hægt að skipta öðrum gjaldmiðlum í Auroracoin gegnum traustar kauphallir. Sakir þess að Ísland er innan gjaldeyrishafta má búast við því að misræmi gæti í verðgildi Auroracoin milli innlendra og erlendra kauphalla. Ef verðmunurinn er umtalsverður munu fagfjárfestar og aðrir sem sjá hagnaðartækifæri nýta sér verðmuninn og taka hagnað við að leiðrétta markaðina. Eins og er eru ekki margar kauphallir innanlands en erlendis eru til fjölmarkar kauphallir, sem þá skipta oftast Auroracoin fyrir aðra rafmynt. Mælst er til þess að treysta ekki um of á öryggi kauphalla og eru kaupendur og seljendur hvattir til að geyma ekki fjármuni sína á kauphöllum. Kauphallir eins og aðrar heimasíður á internetinu geta orðið fyrir barðinu á tölvuþrjótum og því ber að hafa varann á og millifæra Auroracoin og krónur yfir á persónuleg veski eða banakreikninga að loknum kaupum eða sölu. Af innlendum kauphöllum er Íslendingum bent á ISX og fyrir erlenda markaði er t.d. mælt með Bittrex.

Auroracoin er ekki alveg órekjanlegt

Vegna þess að allar Auroracoin-færslur eru geymdar á opinni færsluskrá (blockchain-gagnagrunninum) er hægt að rekja og auðkenna færslur yfir tíma. Ýmis fyrirtæki bjóða lausnir sem blanda saman færslum til að auka nafnleynd. Sakir þess að allar færslur eru rekjanlegar er það hinsvegar heilmikið vesen að búa til nafnleynd með Auroracoin og við hvetjum fólk miklu frekar til að fylgja skattareglum í því landi sem það býr til að fyrirbyggja vandræði í framtíðinni. Hvaða aðferð þú notar er á þína ábyrgð. Einföld leið til að koma í veg fyrir að aðrir notendur geti snuðrað í fjármálum þínum er þó að búa til nýtt reikningsnúmer fyrir hverja nýja færslu.

Óstaðfestar færslur

Millifærslur á Auroracoin-netinu eru sýnilegar öllum innan nokkurra sekúndna og verða síðan órjúfanlegur hluti blockchain-gagnagrunnsins við næstu uppfærslu hans. Staðfesting millifærslna eiga sér oftast stað innan fárra mínútna en getur tekið lengri tíma. Þótt stundum sé krafist einnar eða fleiri slíkra “staðfestinga” á millifærslu er í yfirgnæfandi fjölda tilfella hægt að treysta því að þegar færslan birtist fyrst á netinu er hún gengin í gegn og verður óafturkræf. Ólíkt hefðbundum bankafærslum birtast milliifærslur á Auroracoin-netinu strax, óháð því hvaðan og hvert í heiminum sem þær eru að koma eða fara.

Svona tekur þú á móti Auroracoin

Kaupmenn eins og aðrir notendur geta hlaðið niður Auroracoin veskjum og notað þau til að móttaka greiðslur fyrir vörur og þjónustu. Hive og Coinomi veskin geta nýst kaupmönnum, þar sem bæði er hægt að umreikna íslenskar krónur yfir í Auroracoin og móttaka greiðslur á einfaldan hátt.

Vefviðmótið auroracoin.tools getur verið nytsamlegt kaupmönnum, þar sem kaupmenn geta sýnt QR kóða reikningsnúmers og umreiknað upphæð úr íslenskum krónum yfir í Auroracoin. Þessi lausn nýtist þeim sem vilja t.d. móttaka allar greiðslur beint á reikninginn sinn hjá ISX kauphöllinni.

English

Text for English speakers